ನಾನು ರಾಜ್ಯಸಭೆಗೆ ಹೋಗಲ್ಲ: ರಾಜ್ಯದಲ್ಲೇ ಇದ್ದು ಜನ ಸೇವೆ ಮಾಡ್ತೇನೆ- ಸಿಎಂ‌ ಸಿದ್ದರಾಮಯ್ಯ

ನಾನು ರಾಷ್ಟ್ರ ರಾಜಕಾರಣಕ್ಕೆ(ರಾಜ್ಯಸಭೆ) ಹೋಗಲ್ಲ. ರಾಜ್ಯದಲ್ಲೇ ಇದ್ದು ಜನ ಸೇವೆ ಮಾಡ್ತೇನೆ ಎಂದು ಸಿದ್ದರಾಮಯ್ಯ ಹೇಳಿದ್ದಾರೆ.

ಸಿಎಂ ಸ್ಥಾನಕ್ಕೆ ರಾಜೀನಾಮೆ ಬಳಿಕ‌ ಮಾಧ್ಯಮದವರೊಂದಿಗೆ ಮಾತನಾಡಿದ ಅವರು, ರಾಜ್ಯಸಭೆಗೆ ಬನ್ನಿ‌ ಎಂದು ಹೈಕಮಾಂಡ್ ಕೇಳಿದರು. ನಾನು ಬರಲ್ಲ ಎಂದು ಹೇಳಿದ್ದೇನೆ. ನಾನು ಐದು ವರ್ಷಕ್ಕೆ ಜನ ನನನ್ನು ಶಾಸಕನಾಗಿ ಆಯ್ಕೆ ಮಾಡಿರುವುದು. ರಾಜ್ಯ ಹಾಗೂ ನನ್ನ ಕ್ಷೇತ್ರದಲ್ಲೇ ಇದ್ದು ಜನ ಸೇವೆ ಮಾಡುತ್ತೇನೆ. ರಾಜ್ಯ ರಾಜಕಾರಣದಲ್ಲಿ ಸಕ್ರಿಯವಾಗಿರುತ್ತೇನೆ ಎಂದು‌ ಹೇಳಿದರು.