ತುಮಕೂರು ವಿವಿ ಅಂತರ್ ವಿಭಾಗೀಯ ಕ್ರೀಡಾಕೂಟ: ರಾಜ್ಯಶಾಸ್ತ್ರ ವಿಭಾಗ ಖೋ-ಖೋ ಚಾಂಪಿಯನ್

ತುಮಕೂರು ವಿಶ್ವವಿದ್ಯಾಲಯದ ಸ್ನಾತಕೋತ್ತರ ಪದವಿಯ ಅಂತರ್ ವಿಭಾಗ ಕ್ರೀಡಾಕೂಟದ ಖೋ-ಖೋ ಫೈನಲ್ ಪಂದ್ಯವನ್ನು ವಾಣಿಜ್ಯ ಶಾಸ್ತ್ರ ವಿಭಾಗದ ವಿರುದ್ಧ ರಾಜ್ಯಶಾಸ್ತ್ರ ವಿಭಾಗವು ಗೆಲುವು ಸಾಧಿಸುವ ಮೂಲಕ ಚಾಂಪಿಯನ್ ಪಟ್ಟವನ್ನು ಅಲಂಕರಿಸಿದ್ದಾರೆ.

ಅತ್ಯಂತ ರೋಚಕ ಪಂದ್ಯದಲ್ಲಿ ಮಾರುತಿ ನಾಯಕತ್ವದ ರಾಜ್ಯಶಾಸ್ತ್ರ ವಿಭಾಗವು ಮೊದಲ ಹಂತದಲ್ಲಿಯೇ ಮೇಲುಗೈ ಸಾಧಿಸುವ ಮೂಲಕ ಪಂದ್ಯವನ್ನು ತಮ್ಮ ಹಿಡಿತದಲ್ಲಿಟ್ಟುಕೊಂಡಿದ್ದರು.

ದ್ವಿತಿಯಾಧ೯ದಲ್ಲಿ ಮಿಂಚಿನ ವೇಗದಲ್ಲಿ ಆಟವಾಡಿದ ನಾಯಕ ಮಾರುತಿ, ಸಂತೋಷ್, ಬಾಲಾಜಿ, ಅಭಿಷೇಕ್ ಸೇರಿದಂತೆ ಸಂಘಟಿತ ಹೋರಾಟದ ಫಲವಾಗಿ ಎಂಕಾಂ ವಿಭಾಗದ ಎಲ್ಲಾ ಆಟಗಾರರನ್ನು ಔಟ್ ಮಾಡುವ ಮೂಲಕ ಜಯ ಸಾಧಿಸಿದರು.

ವಿಭಾಗದ ಮುಖ್ಯಸ್ಥರಾದ ಬಸವರಾಜು, ಸಹಾಯಕ ಪ್ರಾಧ್ಯಾಪಕರಾದ ಮಹಾಲಿಂಗ ಕೆ, ರಾಮಕೃಷ್ಣ ವಾಲ್ಮೀಕಿ, ಸಂಶೋಧನಾಥಿ೯ಗಳಾದ ಮಂಜುನಾಥ್, ಧರ್ಮಣ್ಣ, ಭೀಮಷಿ ಅಭಿನಂದಿಸಿದರು.