ಹೆಂಡತಿ ಅಗಲಿಕೆಯ ನೋವಿನಿಂದ ಮನನೊಂದು ಗಂಡ ನೇಣಿಗೆ ಶರಣು: ಆತ್ಮಹತ್ಯೆಗೂ ಮುನ್ನಾ ಹೆಂಡತಿಯ ಸಮಾಧಿಗೆ ಪೂಜೆ

ಹೆಂಡತಿ ಅಗಲಿಕೆಯ ನೋವಿನಿಂದ ಮನನೊಂದು ಗಂಡ ನೇಣಿಗೆ ಶರಣಾಗಿರುವ ಘಟನೆ ಚಿಕ್ಕಬಳ್ಳಾಪುರ ಜಿಲ್ಲೆ ಬಾಗೇಪಲ್ಲಿ ಪಟ್ಟಣದ ತೀಮಾಕನಹಳ್ಳಿಯ ಸ್ಮಶಾನದಲ್ಲಿ ನಡೆದಿದೆ.

ಬಾಗೇಪಲ್ಲಿ ಪಟ್ಟಣದ ಗುರುಮೂರ್ತಿ ನೇಣಿಗೆ ಶರಣಾಗಿದ್ದಾನೆ. ಆತ್ಮಹತ್ಯೆಗೆ ಶರಣಾಗುವ ಮುನ್ನ ಹೆಂಡತಿಯ ಸಮಾಧಿಗೆ ಪೂಜೆ ಮಾಡಿ ಸ್ಮಶಾನದಲ್ಲಿ ನೇಣಿಗೆ ಶರಣಾಗಿದ್ದಾನೆ.

ಮೃತ ಗುರುಮೂರ್ತಿ ಮೌನಿಕಾರನ್ನು ಮದುವೆಯಾಗಿದ್ದು, ದಂಪತಿ ಸುಖ ಜೀವನ ನಡೆಸುತ್ತಿದ್ದರು, ಈ ನಡುವೆ ಹೆಂಡತಿ ಅಕಾಲಿಕ ಮೃತ್ಯುಗೆ ತುತ್ತಾಗಿದ್ದಾಳೆ, ಪತ್ನಿ ಅಗಲಿಕೆಯ ನೋವಿನಿಂದ ನರಳುತ್ತಿದ್ದ ಆತ ಹೆಂಡತಿಯ ಸಮಾಧಿಗೆ ಪೂಜೆ ಮಾಡಿ, ಅಲ್ಲಿಯೇ ಇದ್ದ ಮರಕ್ಕೆ ನೇಣು ಹಾಕಿಕೊಂಡು ಆತ್ಮಹತ್ಯೆಗೆ ಶರಣಾಗಿದ್ದಾನೆ. ಸ್ಥಳಕ್ಕೆ ಬಾಗೇಪಲ್ಲಿ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.

ಕಳೆದ ವರ್ಷ ಡಿ. 20ರಂದು ಪತ್ನಿ ಮೌನಿಕಾ ಮನೆಯಲ್ಲೇ ನೇಣುಬಿಗಿದುಕೊಂಡು ಆತ್ಮಹತ್ಯೆಗೆ ಶರಣಾಗಿದ್ದರು. ಗುರುಮೂರ್ತಿ ಕೂಡಾ ಹೆಂಡತಿ ಸಾವಿನ ನೋವಲ್ಲೇ ಮಾನಸಿಕ ಕಿನ್ನತೆಯಿಂದ ಆತ್ಮಹತ್ಯೆಗೆ ಶರಣಾಗಿರುವ ಶಂಕೆ ವ್ಯಕ್ತವಾಗಿದೆ.