ಮುಸುಕುದಾರಿಯೊಬ್ಬ ಮನೆ ಮುಂದೆ ನಿಲ್ಲಿಸಿದ್ದ ಬೈಕನ್ನು ಕದ್ದೊಯ್ದಿದ್ದಾನೆ. ಈ ಘಟನೆ ತಾಲೂಕಿನ ಜಾಲಪ್ಪ ಕಾಲೇಜು ಹಿಂಭಾಗದ ಕುರುಬರಹಳ್ಳಿಯ ಮನೆಯೊಂದರ ಬಳಿ ಇಂದು ಸಂಜೆ ಸುಮಾರು 5 ಗಂಟೆ ಸಮಯದಲ್ಲಿ ನಡೆದಿದೆ.
ಕಳ್ಳನ ಚಲನವಲನ ಹಾಗೂ ಬೈಕ್ ಕಳವು ಮಾಡುವ ದೃಶ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿದೆ. ಬೈಕ್ ಮಾಲೀಕರು ಮನೆಯಲ್ಲಿರುವಾಗಲೇ ಯಾರಿಗೂ ಗೊತ್ತಾಗದೇ ಕಳ್ಳನ ಕೈಚಳಕ ನಡೆದಿದೆ.
ಕಳ್ಳನು ಬಾಯಿಗೆ ಮುಸುಕು ಧರಿಸಿ ಬೈಕ್ ಗಳು ನಿಲ್ಲಿಸಿದ್ದ ಮನೆ ಹತ್ತಿರ ಬಂದು ಬಿಳಿ ಬಣ್ಣದ ಆಕ್ಟೀವ್ ಹೋಂಡಾ ಬೈಕನ್ನು ನಕಲಿ ಕೀ ಬಳಸಿ ಕಳವು ಮಾಡಿದ್ದಾನೆ.
ಇದೇ ರೀತಿ ಇತ್ತೀಚೆಗೆ ತಾಲೂಕಿನ ಹಲವು ಕಡೆ ಬೈಕ್ ಗಳು ನಿಲ್ಲಿಸಿದ್ದ ಜಾಗದಲ್ಲೇ ಮಾಯವಾಗುತ್ತಿವೆ. ಬೈಕ್ ಗಳನ್ನು ಕಳೆದುಕೊಂಡವರು ಪೊಲೀಸ್ ಠಾಣಾ ಮೆಟ್ಟಿಲೇರುತ್ತಿದ್ದಾರೆ. ಬೈಕ್ ಕಳ್ಳರ ಹಾವಳಿಯನ್ನು ಮಟ್ಟಹಾಕಲು ಪೊಲೀಸರು ಯಶಸ್ವಿಯಾಗುತ್ತಾರಾ..? ಕಾದು ನೋಡಬೇಕಾಗಿದೆ….