ಸರ್ಕಾರಿ ಗೋಮಾಳ ಒತ್ತುವರಿ: ಒತ್ತುವರಿ ತೆರವಿಗೆ ಬೋಕಿಪುರ ರೈತರ ಆಗ್ರಹ

ದೊಡ್ಡಬಳ್ಳಾಪುರ: ತಾಲೂಕಿನ ಬೋಕಿಪುರದಲ್ಲಿ ಆಂಧ್ರ ಮೂಲದವರು ಸರ್ಕಾರಿ ಗೋಮಾಳವನ್ನು ಒತ್ತುವರಿ ಮಾಡುತ್ತಿದ್ದಾರೆ ಎಂದು ಆರೋಪಿಸಿ ಗ್ರಾಮದ ರೈತರೊಬ್ಬರು‌ ಪೊಲೀಸ್ ಠಾಣೆ ಮೆಟ್ಟಿಲೇರಿದ್ದಾರೆ.

ಇಕೋ ಫಾರ್ಮ್ ಹೌಸ್ ಎಂಬ ಸಂಸ್ಥೆಯಿಂದ ಜಮೀನು ಖರೀದಿ ಮಾಡಲಾಗಿತ್ತು. ಸರ್ವೆ ನಂಬರ್ 22 ರಲ್ಲಿ 1 ಎಕ್ಕರೆಗೂ ಹೆಚ್ಚು ಗೋಮಾಳಕ್ಕೆ ಕಾಂಪೌಂಡ್ ಹಾಕಿಕೊಳ್ಳಲು ಯತ್ನ ಮಾಡುತ್ತಿದ್ದಾರೆ. ಇದಕ್ಕೆ ಊರಿನ ಗ್ರಾಮಸ್ಥರು ಕಾಡನೂರು ಗ್ರಾಮ ಪಂಚಾಯಿತಿ ಅಧ್ಯಕ್ಷ ಮನು ವಿರೋಧ ವ್ಯಕ್ತಪಡಸಿದ್ದಾರೆ.

ಸ್ಥಳಕ್ಕೆ ಕಂದಾಯ ಇಲಾಖೆ ಅಧಿಕಾರಿಗಳು ಭೇಟಿ ನೀಡಿ ಪರಿಶೀಲನೆ‌ ನಡೆಸಿ ಮೇಲ್ಮಟ್ಟ ಅಧಿಕಾರಿಗಳ ಗಮನಕ್ಕೆ ತಂದಿದ್ದಾರೆ. ಒತ್ತುವರಿ ಆಗಿರುವ ಅನುಮಾನ ಇರುವುದರಿಂದ ಸರ್ವೇ ಮಾಡಿಸಲು ಸೂಚನೆ‌ ನೀಡಲಾಗಿದೆ.

ಸರ್ವೇ ಮಾಡಿಸುವವರೆಗೂ ಕಾಂಪೌಂಡ್ ನಿರ್ಮಾಣ ಮಾಡದಂತೆ ಕಂದಾಯ ಇಲಾಖೆ ಅಧಿಕಾರಿಗಳು ದೊಡ್ಡಬೆಳವಂಗಲ ಪೊಲೀಸ್ ಠಾಣೆಗೆ ದೂರು ನೀಡಿದ್ದಾರೆ.

ಸದ್ಯ ಕಾಂಪೌಂಡ್ ನಿರ್ಮಾಣಕ್ಕೆ ದೊಡ್ಡಬೆಳವಂಗಲ ಪೊಲೀಸರಿಂದ ತಡೆ ನೀಡಿದ್ದಾರೆ.