ಮೊದಲನೇ ಹೆಂಡತಿ ಜೊತೆ ಆಸ್ತಿ ತಗಾದೆ: ಮಾರಕಾಸ್ತ್ರಗಳಿಂದ ತಲೆ, ಕೈ ಕತ್ತರಿಸಿ ವಿಕೃತಿ ಮೆರೆದ ಗಂಡ ಹಾಗೂ ಎರಡನೇ ಹೆಂಡತಿ‌‌ ಮಗ..? ಎರಡನೇ ಹೆಂಡತಿ ಪರಾರಿ..

ಮಹಿಳೆಯ ಭೀಕರ ಹತ್ತೆಯಾಗಿರುವ ಘಟನೆ ಶಿಡ್ಲಘಟ್ಟ ತಾಲೂಕಿನ ದೇವರುಮಳ್ಳೂರು ಗ್ರಾಮ ಪಂಚಾಯತಿ ವ್ಯಾಪ್ತಿಯ ಸೊಣ್ಣೇನಹಳ್ಳಿ ಗ್ರಾಮದಲ್ಲಿ ನಡೆದಿದೆ.

ಕೊಲೆಯಾಗಿರುವ ಮೃತ ದೇಹ ಮನೆಯ ಬಾಗಿಲಿನಲ್ಲಿ ರಕ್ತದ ಮಡಿಲಿನಲ್ಲಿ ಪತ್ತೆಯಾಗಿದೆ.

ಪದ್ಮಮ್ಮ ಕೊಲೆಯಾಗಿರುವ ಮಹಿಳೆ. ಗಂಡನೇ ಕೊಲೆ ಮಾಡಿರುವ ಶಂಕೆವ್ಯಕ್ತವಾಗಿದೆ. ಜಮೀನಿನ ವಿಚಾರವಾಗಿ ಆಗಾಗ ಗಂಡ ಹೆಂಡತಿ ನಡುವೆ ಜಗಳ ಆಗುತ್ತಿತ್ತು ಎನ್ನಲಾಗಿದೆ.

ಪದ್ಮಮ್ಮ ಕೂಲಿ ಮಾಡಿ ಜೀವನ ಸಾಗಿಸುತ್ತಿದ್ದರು. ಇಂದು ಬೆಳಗಿನ ಜಾವ 6ಗಂಟೆ ಸಮಯದಲ್ಲಿ ಮನೆಯ ಬಾಗಿಲ ಮುಂದೆ ಭೀಕರ ಹತ್ಯೆಯಾಗಿ ಬಿದ್ದಿರುವ ದೃಶ್ಯ ಕಂಡುಬಂದಿದೆ.

ಮಚ್ಚು-ಲಾಂಗು ಸೇರಿದಂತೆ ಮಾರಕಸ್ತ್ರಗಳಿಂದ ತಲೆ, ಕೈ ಕತ್ತರಿಸಿ ವಿಕೃತಿ ಮೆರೆಯಲಾಗಿದೆ.

ಸದ್ಯ ಮೃತಳ ಗಂಡನ‌ ಎರಡನೇ ಹೆಂಡತಿ ಮಂಜುಳ ಹಾಗೂ ಮಗ ಪರಾರಿಯಾಗಿದ್ದು, ಗಂಡ ಮುನಿರೆಡ್ಡಿ ಪೊಲೀಸ್ ಠಾಣೆಗೆ ಹೋಗಿ ಶರಣಾಗಿದ್ದಾರೆ ಎನ್ನಲಾಗಿದೆ.

ಸ್ಥಳಕ್ಕೆ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಡಿ.ಎಲ್. ನಾಗೇಶ್ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.