ತೂಬಗೆರೆ: ದೊಡ್ಡಬಳ್ಳಾಪುರ ತಾಲೂಕಿನ ತೂಬಗೆರೆ ಗ್ರಾಮದಲ್ಲಿ ಮಂಗಗಳ ಉಪಟಳ ಹೆಚ್ಚಾಗಿದೆ. ಭಾನುವಾರ ಸಂಜೆ ಕೋತಿ ಒಂದು ಮನೆಗೆ ನುಗ್ಗಿ ಐಫೋನ್ ಹೊತ್ತೊಯ್ದು, ಪಕ್ಕದಲ್ಲಿದ್ದ ಮೊಬೈಲ್ ಟವರ್ ಮೇಲೆ ಕೂತು ಎಲ್ಲರಿಗೂ ಮನರಂಜನೆ ನೀಡಿತು. ಆದರೆ ಐಫೋನ್ ಒಡತಿ ಮಾತ್ರ ಪೇಚಿಗೆ ಒಳಾಗದಳು.
ಕೋತಿಯಿಂದ ಐಫೋನ್ ಬಿಡಿಸಿಕೊಳ್ಳಲು ಸ್ಥಳೀಯರು ಹರ ಸಾಹಸಪಟ್ಟರು. ಐಪೋನ್ ಕೊಡುವಂತೆ ಜನರು ಎಷ್ಟೇ ಬೇಡಿದ್ರು, ಮಂಗ ಮಾತ್ರ ಐಫೋನ್ ಕೊಡಲಿಲ್ಲ, ಈ ದೃಶ್ಯ ನೋಡುಗರಿಗೆ ಪುಕ್ಕಟೆ ಮನರಂಜನೆ ನೀಡಿತು.
ಕೊನೆಗೆ, ಮಂಗ ಐಫೋನ್ ಕೆಳಗೆ ಎಸೆದಿದ್ದು, ಐಫೋನ್ ಸಿಕ್ತು ಅನ್ನುವ ಖುಷಿಯಲ್ಲಿದ್ದವರಿಗೆ ಮೇಲಿಂದ ಬಿದ್ದ ಫೋನ್ ಸ್ಕ್ರೀನ್ ಹೊಡೆದು ಹೋಗಿತ್ತು.