ಬಿಸಿಲಿನ ಬೇಗೆ: ಬಾಯಾರಿದ ಕೋತಿ ನೀರಿಗಾಗಿ ಪರದಾಟ: ವಾಟರ್ ಬಾಟಲ್ ನೀರು ಕುಡಿಯಲು ಹರಸಾಹಸ

ಬಿರುಬಿಸಿಲಿಗೆ ಬಾಯಾರಿಕೆಯಿಂದ ಕೋತಿಯೊಂದು ನೀರಿಗಾಗಿ ವಾಟರ್ ಬಾಟಲ್ ಹಿಡಿದು ಒಂದೊಂದು ಹನಿಗೂ ಪರದಾಡಿದ ದೃಶ್ಯ ದೊಡ್ಡಬಳ್ಳಾಪುರ ನಗರದ ಪ್ರವಾಸಿ ಮಂದಿರದಲ್ಲಿ ಕಂಡುಬಂದಿದೆ.

ಬಿಸಿಲಿನ ಬೇಗೆಗೆ ಕೋತಿ ವಾಟರ್ ಬಾಟಲ್ ಹಿಡಿದು ನೀರಿಗಾಗಿ ಹಾತೊರೆಯುತ್ತಿತ್ತು. ಇದ್ದ ಸ್ವಲ್ಪ ನೀರನ್ನ ಕುಡಿದು ದಾಹ ನೀಗಿಸಿಕೊಳ್ಳೊ ಪ್ರಯತ್ನ ಮಾಡುತ್ತಿತ್ತು. ಕೋತಿ ನೀರನ್ನು ಕುಡಿಯಲು ಮಾಡುವ ಪ್ರಯತ್ನ ನೋಡಿದವರ ಮನಸ್ಸು ಕರಗಿಸುವಂತಿತ್ತು.

ದೊಡ್ಡಬಳ್ಳಾಪುರದಲ್ಲಿ ಬಿಸಿಲಿನ ತಾಪಮಾನ ಹೆಚ್ಚಾಗಿದ್ದು, ಬೇಸಿಗೆಗೆ ಜನರು ಬೆಂದುಹೋಗುತ್ತಿದ್ದಾರೆ. ಇನ್ನು ಪ್ರಾಣಿಗಳ ಪರಿಸ್ಥಿತಿ ಹೇಳತೀರದಾಗಿದೆ. ಪಕ್ಷಿಗಳಿಗೂ ಸಹ ನೀರಿನ ಕೊರತೆ ಎದುರಾಗಿದೆ.

ಮೂಖಪ್ರಾಣಿಗಳ ದಣಿವರಿಸಲು ಮನುಷ್ಯರಾದ ನಾವು ಅಲ್ಲಲ್ಲಿ ನೀರಿನ ವ್ಯವಸ್ಥೆ ಮಾಡಬೇಕಾಗಿದೆ…