ಫುಟ್ ಪಾತ್ ನುಗ್ಗಿದ ಲಾರಿ: ಬೆಡ್‌ಶಿಟ್ ವ್ಯಾಪಾರಿ ಕಾಲು ಮುರಿತ

ಚಾಲಕನ ನಿಯಂತ್ರಣ ತಪ್ಪಿ ಬೀದಿಬದಿ ಇದ್ದ ಬೆಡ್ ಶಿಟ್ ಅಂಗಡಿಗೆ ಲಾರಿ ನುಗ್ಗಿರುವ ಘಟನೆ ನಗರದ ಪಿಎಸ್ ಐ ಜಗದೀಶ್ ವೃತ್ತದಲ್ಲಿ ನಡೆದಿದೆ.

ಬೆಡ್ ಶೀಟ್ ವ್ಯಾಪಾರಿ ಮಧ್ಯಪ್ರದೇಶ ಮೂಲದ ಶರ್ವಣ್ ಕಾಲು ಮೇಲೆ ಲಾರಿ ಹರಿದ ಪರಿಣಾಮ, ಕಾಲು ಮುರಿತಗೊಂಡಿದೆ.

ಕಳೆದ 2 ವರ್ಷಗಳಿಂದ ಮಧ್ಯಪ್ರದೇಶದಿಂದ ಬಂದು ಬೆಂಗಳೂರು ಮಾರ್ಗದ ರಸ್ತೆ ಬದಿಯಲ್ಲಿ ಶೆಡ್ ನಿರ್ಮಾಣ ಮಾಡಿಕೊಂಡು ಬೆಡ್ ಶೀಟ್ ವ್ಯಾಪರ ಮಾಡುತ್ತಿದ್ದರು.

ಇಂದು ದೇವನಹಳ್ಳಿ ಕಡೆಯಿಂದ ಕಂಬಿ ತುಂಬಿಕೊಂಡು ಬಂದ ಲಾರಿ ಏಕಾಏಕಿ ಶೆಡ್ ಗೆ ನುಗ್ಗಿದೆ. ಸ್ಥಳಕ್ಕೆ ದೊಡ್ಡಬಳ್ಳಾಪುರ ನಗರ ಠಾಣೆ ಪೋಲಿಸರು ಭೇಟಿ ನೀಡಿ ಪರಿಶೀಲನೆ ನಡೆಸಿ ಪ್ರಕರಣ ದಾಖಲಿಸಿಕೊಂಡಿದ್ದಾರೆ..