ನಗರದಲ್ಲಿ ಗುಡುಗು-ಮಿಂಚು ಸಹಿತ ಅಕಾಲಿಕ ಮಳೆ: ಜನ ಪರದಾಟ: ಬಿಸಿಲಿನ ಧಗೆಗೆ ಬಸವಳಿದಿದ್ದ ಜನಕ್ಕೆ ತಂಪೆರದ ಅಕಾಲಿಕ ಮಳೆ

ನಗರದಲ್ಲಿ ಮಧ್ಯಾಹ್ನ ಹಠಾತ್‌ ಗುಡುಗು ಮಿಂಚಿನ ಸಹಿತ ಅಕಾಲಿಕ ಮಳೆ ಬಂದು ಬಿಸಿಲಿನ ಧಗೆಗೆ ಬಸವಳಿದಿದ್ದ ಜನಕ್ಕೆ ತಂಪೆರೆದಿದೆ.

ಸುಮಾರು ಅರ್ಧಗಂಟೆ ಸುರಿದ ಮಳೆಗೆ ಜನ ತತ್ತರಿಸಿದರು. ಮೋಡ ಮುಸುಕಿದ ವಾತಾವರಣ ಮುಂದುವರೆದಿದ್ದು, ಮಳೆ ಜೋರಾಗುವ ಲಕ್ಷಣಗಳಿವೆ.

ಜನರು ಬಿಸಿಲ ತಾಪದಿಂದ ಕಂಗಾಲಾಗಿದ್ದರು. ಇದರಿಂದ ಜನರು ಧಗೆ ತಾಳಲಾರದೆ ನೆರಳನ್ನು ಆಶ್ರಯಿಸುತ್ತಿದ್ದರು. ಬಿರುಬಿಸಿಲಿಗೆ ಬಸವಳಿದಿದ್ದ ಜನ ಮಳೆಯಿಂದ ನೆಮ್ಮದಿಯ ನಿಟ್ಟುಸಿರು ಬಿಟ್ಟರು.