ತಾಯಿ ಸೂಚಿಸಿದ ವ್ಯಕ್ತಿಯನ್ನ ಮದುವೆಯಾಗಲು‌ ನಿರಾಕರಿಸಿದ ಮಗಳು: ಮಗಳ ಕತ್ತು ಹಿಸುಕಿ ಕೊಂದೆ ಬಿಟ್ಟ ತಾಯಿ..!?

ಮಗಳು ತನ್ನ ತಾಯಿಯ ಆಯ್ಕೆಯ ವ್ಯಕ್ತಿಯನ್ನು ಮದುವೆಯಾಗಲು ನಿರಾಕರಿಸಿದ ಕಾರಣ 19 ವರ್ಷದ ಮಗಳನ್ನು ಹೆತ್ತ ತಾಯಿಯೇ ಕೊಂದಿದ್ದಾಳೆ..!?

ಸಂತ್ರಸ್ತೆಯ ತಾಯಿ ಜಂಗಮ್ಮ ಅವರು ಮಾರ್ಚ್ 18 ರಂದು ಹೈದರಾಬಾದ್ ನ ಇಬ್ರಾಹಿಂಪಟ್ಟಣದ ತಮ್ಮ ಮನೆಯಲ್ಲಿ ಮಗಳು ಭಾರ್ಗವಿಯನ್ನು ಕತ್ತು ಹಿಸುಕಿ ಕೊಲೆ ಮಾಡಿದ್ದಾರೆ ಎನ್ನಲಾಗಿದೆ.

ಜಂಗಮ್ಮಳು ಭಾರ್ಗವಿ ಮೇಲೆ ಹಲ್ಲೆ ನಡೆಸಿದ್ದನ್ನು ಸಂತ್ರಸ್ತೆಯ ಅಪ್ರಾಪ್ತ ಸಹೋದರ ಕಣ್ಣಾರೆ ಕಂಡಿದ್ದು, ಜಂಗಮ್ಮ ವಿರುದ್ಧ ಇಬ್ರಾಹಿಂಪಟ್ಟಣ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ.

ಭಾರ್ಗವಿಯ ಸಹೋದರ ತನ್ನ ದೂರಿನಲ್ಲಿ ಜಂಗಮ್ಮ ಭಾರ್ಗವಿಗೆ ತನ್ನ ಸಂಬಂಧಿಯನ್ನು ಮದುವೆಯಾಗುವಂತೆ ಒತ್ತಾಯಿಸುತ್ತಿದ್ದಳು, ಆದರೆ ಭಾರ್ಗವಿ ನಿರಾಕರಿಸಿದ್ದಳು.  ಘಟನೆ ನಡೆಯುವ ಮೊದಲು ಇದೇ ವಿಚಾರವಾಗಿ ಕಳೆದ ಎರಡು ವಾರಗಳಿಂದ ಭಾರ್ಗವಿ ಕಾಲೇಜಿಗೆ ಹಾಜರಾಗಿರಲಿಲ್ಲ ಎಂದು ಅವರು ತಿಳಿಸಿದ್ದಾರೆ.