ಚಿರತೆ ದಾಳಿಗೆ ಕರು ಬಲಿ; ಚೆನ್ನಾಪುರ ಗ್ರಾಮದಲ್ಲಿ ಘಟ‌ನೆ

ತಾಲೂಕಿನ ಚೆನ್ನಾಪುರ ಗ್ರಾಮದಲ್ಲಿ‌ ಚಿರತೆ ದಾಳಿಗೆ ಕರು ಬಲಿಯಾಗಿದೆ. ಗ್ರಾಮದ ಕೃಷ್ಣಪ್ಪ‌ ಎಂಬುವವರ ಕರುವಿನ ಮೇಲೆ ತಡರಾತ್ರಿ ಚಿರತೆ ದಾಳಿ‌ ನಡೆಸಿ ಕೊಂದು ಹಾಕಿದೆ.

ಗ್ರಾಮದ ಸುತ್ತಮುತ್ತ ಚಿರತೆ ಹಾವಳಿ ಯತೇಚ್ಛವಾಗಿದ್ದು, ಗ್ರಾಮಸ್ಥರು ಆತಂಕದಲ್ಲಿ ಬದುಕುವಂತಾಗಿದೆ. ಜಾನುವಾರುಗಳ ಮೇಲೆ ಅಗಿದ್ದಾಂಗ್ಗೆ‌ ಚಿರತೆ ದಾಳಿ‌ ಸಾಮಾನ್ಯವಾಗಿದೆ.

ಚಿರತೆ ಸೆರೆಹಿಡಿಯುವಂತೆ‌ ಗ್ರಾಮಸ್ಥರು ಹಲವು ಬಾರಿ ಒತ್ತಾಯಿಸಿ ಅರಣ್ಯ ಇಲಾಖೆಗೆ ಮನವಿ ಸಲ್ಲಿಸಿದರೂ ಈವರೆಗೂ‌ ಸೆರೆ ಹಿಡಿದಿಲ್ಲ‌ ಎಂದು ಗ್ರಾಮಸ್ಥರು ಆರೋಪಿಸಿದ್ದಾರೆ.