ಒಂದೇ ರಾತ್ರಿ ಸುಮಾರು 8 ಟಿಪ್ಪರ್ ಲಾರಿಗಳ 16 ಬ್ಯಾಟರಿಗಳು, 150 ಲೀ. ಡೀಸೆಲ್ ಕಳವು

ರಾತ್ರಿ ವೇಳೆ ಎಲ್ಲೆಂದರಲ್ಲಿ ವಾಹನಗಳನ್ನು ನಿಲುಗಡೆ ಮಾಡುವ ಮುನ್ನ ಎಚ್ಚರ ವಹಿಸಬೇಕು. ಸ್ವಲ್ಪ ಯಾಮಾರಿದರೆ ಸ್ಥಳದಲ್ಲಿರುವ ವಾಹನಗಳು ಸೇರಿದಂತೆ ವಾಹನಗಳ ಬೆಲೆಬಾಳುವ ಎಲ್ಲಾ ಭಾಗಗಳು ಮಂಗಮಾಯವಾಗುವುದಂತು‌ ಗ್ಯಾರೆಂಟಿ.

ಒಂದೇ ರಾತ್ರಿ ಸುಮಾರು 8 ಟಿಪ್ಪರ್ ಲಾರಿಗಳ 16 ಬ್ಯಾಟರಿಗಳ ಕಳವು ಆಗಿರುವ ಘಟನೆ ನಡೆದಿದೆ.

ರೈಲ್ವೆ ಸ್ಟೇಷನ್ ಬಳಿ 12 ಬ್ಯಾಟರಿ, ಹಂಸ ಚಿಕನ್ ಸೆಂಟರ್ ಬಳಿ 4 ‌ಬ್ಯಾಟರಿ, ಪಾಲನಜೋಗಿಹಳ್ಳಿ ಬಳಿ ನಿಲ್ಲಿಸಿದ್ದ ಟಿಪ್ಪರ್ ಲಾರಿಯದ ಸುಮಾರು 150 ಲೀ. ಡೀಸೆಲ್ ಕಳವು ಮಾಡಲಾಗಿದೆ.

ಸ್ಕಾರ್ಪಿಯೋ ಕಾರಲ್ಲಿ ಮೂರು ಮಂದಿ ಬಂದು ರಾತ್ರಿ ವೇಳೆ ನಿಲ್ಲಿಸಿದ್ದ ಟಿಪ್ಪರ್ ಲಾರಿಗಳ ಬ್ಯಾಟರಿ ಹಾಗೂ ಡೀಸೆಲ್ ಕದಿಯುತ್ತಿರುವ ದೃಶ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿದೆ.

ಘಟನೆ ದೊಡ್ಡಬಳ್ಳಾಪುರ ನಗರ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ನಡೆದಿದೆ….

ನಗರ ಠಾಣಾ ಪೊಲೀಸರು ಘಟನೆಗೆ ಸಂಬಂಧಿಸಿದಂತೆ ಸಿಸಿಟಿವಿ ಕ್ಯಾಮೆರಾ ಪರಿಶೀಲನೆ ನಡೆಸಿ ಕಳ್ಳರಿಗಾಗಿ ಬಲೆ ಬೀಸಿದ್ದಾರೆ.