ಎರಡು ಕಾರು, ಒಂದು ಬೈಕ್ ನಡುವೆ ಅಪಘಾತವಾಗಿರೋ ಘಟನೆ ತಾಲೂಕಿನ ಹಾಡೋನಹಳ್ಳಿ ಬಳಿಯ ತಿರುವಿನಲ್ಲಿ ನಡೆದಿದೆ. ಘಟನೆಯಲ್ಲಿ ಯಾವುದೇ ಪ್ರಾಣಾಪಾಯ ಸಂಭವಿಸಿಲ್ಲ.
ಅಪಘಾತದಲ್ಲಿ ಎರಡು ಕಾರು ಹಾಗೂ ಒಂದು ಬೈಕ್ ಸಂಪೂರ್ಣ ಜಖಂ‌ಗೊಂಡಿದ್ದು, ಕಾರೊಂದು ಸ್ಥಳದಲ್ಲಿ ಪಲ್ಟಿಹೊಡೆದಿದೆ. ಘಟನೆ ವೇಳೆ ಕೆಲಕಾಲ ವಾಹನ ದಟ್ಟಣೆ ಉಂಟಾಗಿತ್ತು. ಸ್ಥಳಕ್ಕೆ 112 ಸಿಬ್ಬಂದಿ ದೌಡಾಯಿಸಿ ವಾಹನ ದಟ್ಟನೆ ನಿಯಂತ್ರಿಸಲಾಯಿತು.
ಅತಿವೇಗ ಚಾಲನೆಯಿಂದ ಅಪಘಾತ ಸಂಭವಿಸಿದೆ ಎಂದು ಸ್ಥಳೀಯ ಮಾಹಿತಿ. ಗ್ರಾಮಾಂತರ ಠಾಣಾ ವ್ಯಾಪ್ತಿಯಲ್ಲಿ ಘಟನೆ ಸಂಭವಿಸಿದೆ.