ಅಪರೂಪದ ಬ್ಲ್ಯಾಕ್ ಪ್ಯಾಂಥರ್ ಪ್ರತ್ಯಕ್ಷಗೊಂಡಿರುವ ಘಟನೆ ತಮಿಳುನಾಡಿನ ನೀಲಿಗಿರಿ ಜಿಲ್ಲೆಯ ಕೂನೂರಿನ ಮನೆಯೊಂದರ ಬಳಿ ನಡೆದಿದೆ.
ಬ್ಲ್ಯಾಕ್ ಪ್ಯಾಂಥರ್ ಮನೆ ಬಳಿ ಕಾಣಿಸಿಕೊಂಡಿರುವ ದೃಶ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿದ್ದು, ಸದ್ಯ ಈ ವೀಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಫುಲ್ ವೈರಲ್ ಆಗಿದೆ.
ಈ ವಿಡಿಯೋವನ್ನು ಐಎಫ್‌ಎಸ್ ಅಧಿಕಾರಿ ಪರ್ವೀನ್ ಕಸ್ವಾನ್ ತಮ್ಮ ಎಕ್ಸ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.
ಈ ಬ್ಲ್ಯಾಕ್ ಪ್ಯಾಂಥರ್ ತುಂಬಾ ವಿರಳವಾಗಿ ಎಲ್ಲೋ ಒಂದು ಕಾಣಿಸಿಕೊಳ್ಳುತ್ತದೆ. ಇದು ಚಿರತೆಗಳ ಗುಂಪಿಗೆ ಸೇರುತ್ತದೆ. ಹೀಗಾಗಿಯೇ ಇದನ್ನು ಕರಿ ಚಿರತೆ ಎಂದು ಕೂಡ ಕರೆಯುತ್ತಾರೆ.