ಕೋಲಾರ: ಅನೈತಿಕ ಮತ್ತು ಹಣಕಾಸು ಭ್ರಷ್ಟಾಚಾರದ ಆರೋಪದ ಮೇಲೆ ಕಳೆದ ವರ್ಷವೇ ವಾಸುದೇವರೆಡ್ಡಿ ಅವರನ್ನು ರಾಜ್ಯ ಕಾರ್ಯದರ್ಶಿಯಿಂದ ಉಚ್ಚಾಟನೆ ಮಾಡಲಾಗಿದ್ದು, ಕಾರ್ಯಕರ್ತರು ಹಾಗೂ ಹಿತೈಷಿಗಳು ಗೊಂದಲಗೊಳ್ಳದೇ ಎಚ್ಚರ ವಹಿಸಬೇಕು ಎಂದು ಎಸ್ಎಫ್ಐ ರಾಜ್ಯ ಅಧ್ಯಕ್ಷ ಅಮರೇಶ್ ಕಡಗದ್ ತಿಳಿಸಿದರು.
ನಗರದ ಪತ್ರಕರ್ತರ ಭವನದಲ್ಲಿ ಮಂಗಳವಾರ ನಡೆದ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಅವರು ವಾಸುದೇವರೆಡ್ಡಿ ಮೇಲೆ ಆರೋಪಗಳು ಕೇಳಿ ಬಂದ ತಕ್ಷಣವೇ ಅವರನ್ನು ಎಸ್ಎಫ್ಐ ಸಂಘಟನೆಯಿಂದ ಕೈ ಬಿಟ್ಟು ಅವರ ವಿರುದ್ದ ಸಂಘಟನೆಯ ಆಂತರಿಕ ತನಿಖೆಯಿಂದ ಸಹ ದೃಢವಾಗಿದೆ ಎಸ್ಎಫ್ಐ ಸಂಘಟನೆಯ ಹಿತೈಷಿಗಳು ಹಾಗೂ ಕಾರ್ಯಕರ್ತರಲ್ಲಿ ಗೊಂದಲ ಹುಟ್ಟು ಮಾಡಿ ಅವರನ್ನು ದಾರಿ ತಪ್ಪಿಸಲು ಹೊರಟಿದ್ದಾರೆ ಯಾವುದೇ ಕಾರಣಕ್ಕೂ ವಾಸುದೇವರೆಡ್ಡಿ ಅವರ ವಿಚಾರದಲ್ಲೂ ಯಾರು ಬೆಂಬಲಿಸಬಾರದು ಎಂದರು.
ವಾಸುದೇವರೆಡ್ಡಿ ಅವರು ಸಂಘಟನೆಯಲ್ಲಿ ಇದ್ದಷ್ಟು ದಿನವು ಸಂಘಟನೆಯ ನಿಲುವುಗಳಿಗೆ ವಿರುದ್ದವಾಗಿಯೇ ಇದ್ದರು ಸಂಘಟನೆಯಿಂದ ಕೈ ಬಿಟ್ಟ ನಂತರ ಅವರು ಕಾಂಗ್ರೆಸ್ ಪಕ್ಷದ ಚುನಾವಣೆಯಲ್ಲಿ ಸ್ಪರ್ಧಿಸಿದ್ದು ಎಸ್ಎಫ್ಐ ಸಂಘಟನೆಯ ಯುವಜನರ ಸಂಪರ್ಕ ಬಳಸಿಕೊಳ್ಳಲು ಹೊರಟಿದ್ದಾರೆ ಅವರಿಗೂ ಎಸ್ಎಫ್ಐ ಸಂಘಟನೆಗೂ ಯಾವುದೇ ಸಂಬಂಧವಿಲ್ಲ ಅವರನ್ನು ಯಾವುದೇ ಕಾರಣಕ್ಕೂ ಬೆಂಬಲಿಸಬಾರದು ಎಂದು ಮನವಿ ಮಾಡಿದರು.
ಈ ಪತ್ರಿಕಾಗೋಷ್ಠಿಯಲ್ಲಿ ಎಸ್ಎಫ್ಐ ರಾಜ್ಯ ಕಾರ್ಯದರ್ಶಿ ಭೀಮನಗೌಡ, ಜಿಲ್ಲಾ ಅಧ್ಯಕ್ಷ ಅಂಬ್ಲಿಕಲ್ ಎನ್ ಶಿವಪ್ಪ, ಜಿಲ್ಲಾ ಮುಖಂಡ ಶಶಿಕುಮಾರ್ ಇದ್ದರು.